Фота Аўдыё Відэа  
be  ru  pl  en  de info@catholic.by
Віцебск: біскуп Алег Буткевіч сустрэўся з беспрытульнымі
Беларусь - Віцебская дыяцэзія
30.12.2016 13:23

Біскуп Віцебскі Алег Буткевіч 30 снежня сустрэўся з бяздомнымі жыхарамі Віцебска. Сустрэча з нагоды калядных і навагодніх святаў прайшла ў цэнтры начнога знаходжання бяздомных у Віцебску.

Іерарх павіншаваў прысутных са святам Божага Нараджэння і пажадаў благаслаўлёнага новага года. Бяздомныя атрымалі харчовыя падарункі, падрыхтаваныя каталіцкай дабрачыннай арганізацыяй Віцебскай дыяцэзіі «Карытас».

На сустрэчы прысутнічаў і дырэктар аддзялення «Карытас» кс. Андрэй Аніскевіч са сваімі супрацоўнікамі.

Варта адзначыць, што каталіцкая арганізацыя «Карытас» фінансуе штодзённае харчаванне для людзей, зарэгістраваных у Віцебскім цэнтры начнога знаходжання.

Паводле catholicnews.by
(VGr)

 

Пры выкарыстанні матэрыялаў сайта спасылка на Catholic.By абавязкова.