31 мая ў віцебскай парафіі Езуса Міласэрнага ўпершыню прынялі Цела Хрыста чатыры дзяўчынкі і тры хлопчыка. З гэтага доўгачаканага моманту яны маюць правы, як і ўсе дарослыя вернікі, спавядацца і прымаць Камунію.

Сакрамэнт Эўхарыстыі падчас урачыстай святой Імшы маленькім вернікам удзяліў біскуп Віцебскі Алег Буткевіч.

Усе прысутныя на Імшы маліліся за шчаслівую будучыню новых маленькіх парафіян. Пасля Эўхарыстыі ўдзельнікі накіраваліся ў парафіяльную кавярню, каб за салодкім сталом адзначыць радасную падзею.

Анатоль Бандарчук