Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пад уражаннем ад падзеі: у Віцебску прайшла сустрэча, прысвечаная беатыфікацыі Яна Паўла II
Беларусь - Віцебская дыяцэзія
10.05.2011 13:27

8 мая 2011 г. у культурна-рэлігійным цэнтры віцебскай парафіі Езуса Міласэрнага прайшла імпрэза, прысвечаная нядаўняй беатыфікацыі Яна Паўла II. Вернікі з розных парафій горада сабраліся ва ўтульнай зале цэнтра, каб падзяліцца ўражаннямі ад падзеі, што адбылася ў Апостальскай Сталіцы тыдзень таму, узгадаць галоўныя вехі жыцця і душпастырскага служэння Вялікага Папы, яго ролю ў развіцці Касцёла і сусветнай хрысціянскай думкі.

Пра сутнасць і сэнс цырымоніі беатыфікацыі наогул, а таксама пра дачыненне асобы Яна Паўла II да нашай краіны распавёў, суправаджаючы аповед дэманстраваннем урыўкаў з відэафільмаў, вікарый парафіі кс. Юрый Жаўняровіч. Валянціна Осіпава прачытала ўласныя вершы, напісаныя пад уражаннем ад сустрэчы з Папам падчас адной з яго шматлікіх паездак. Дасканалым дэкламаваннем твораў самога Папы са зборніка «Рымскі трыпціх» парадавалі прысутных юныя акцёркі Насця Якіменка, Ліза Чыркова і Яна Латыш, а іх настаўніца Нэля Зайцава з густам прачытала любімы ўрывак благаслаўлёнага з паэмы Адама Міцкевіча «Пан Тадэвуш». За музычную частку вечарыны адказвалі студэнткі Анастасія Тэрэз і Вольга Дуброўская.

Падчас імпрэзы працавала таксама выстаўка выданняў філасофска-тэалагічных і мастацкіх твораў Яна Паўла II. Пасля заканчэння мерапрыемства прысутныя мелі магчымасць аддаць даніну пашаны Вялікаму Папу, пастаяўшы ў маўчанні каля ўстаноўленага яму пры ўваходзе ў касцёл помніка.

Ф. Дубраўскі


Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў