Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Місія «Чыстае сэрца» перад Божым Нараджэннем парадавала хлопчыкаў з Крывіцкага прафесійна-тэхнічнага вучылішча
Грамадства
18.12.2015 21:36

У перыяд Божага Нараджэння місія «Чыстае сэрца» па традыцыі праводзіць шмат добрых акцый. 17 снежня валанцёры і кіраўніцтва арганізацыі наведалі сваіх новых сяброў – хлопчыкаў з Крывіцкага дзяржаўнага прафесійна-тэхнічнага вучылішча №3 закрытага тыпу, каб прынесці ў іх сэрцы радасную вестку аб блізкім свяце Нараджэння Пана.

У гэтай установе знаходзяцца 95 хлопчыкаў ад 12 да 18 гадоў. Для іх валанцёры арганізацыі спецыяльна падрыхтавалі спектакль-мюзікл аб няспростым лёсе аднаго юнака, які, нягледзячы на многія няўдачы і памылкі, усё ж сустрэў у сваім жыцці дабро, Бога.

Да хлопчыкаў таксама звярнуўся дырэктар місіі кс. Юрый Санько, які зачытаў ліст Мітрапаліта Мінска-Магілёўскага арцыбіскупа Тадэвуша Кандрусевіча, адрасаваны ім. У лісце іерарх хацеў падтрымаць хлопцаў, нагадаць, што ніколі не позна змяніцца, стаць лепшым і вышэйшым за абставіны.


Місія «Чыстае сэрца» таксама перадала падарункі ад сваіх партнёраў, дабрачыннага каталіцкага таварыства «Caritas» Мінска-Магілёўскай архідыяцэзіі – неабходныя прадметы адзення: курткі, байкі, майкі, шапкі і красоўкі.

Удзельнікі акцыі спадзяюцца, што дабрыня сэрцаў валанцёраў і спонсараў перадасца хлопчыкам і напоўніць іх жыццё надзеяй на лепшае і верай ва ўласныя магчымасці.


Крывіцкае дзяржаўнае прафесійна-тэхнічнае вучылішча №3 закрытага тыпу – спецыяльная навучальна-выхаваўчая ўстанова для вырашэння задач сацыяльнай рэабілітацыі, карэкцыі і ўтрымання падлеткаў, якія здзейснілі грамадска небяспечныя ўчынкі або парушылі правілы грамадскіх паводзінаў. У такія вучылішчы накіроўваюцца падлеткі ад 12 да 18 гадоў на тэрмін, як правіла, да двух гадоў.

Святлана Жылевіч, (AG)


Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Грамадства

01.02 14:45Пад Кобрынам пройдзе II кангрэс медыкаў-хрысціян Усходняй Еўропы
20.10 15:26«Мой сябар Джэйсан»: прэм’ера монаспектакля на тэму інклюзіі прайшла ў мінскім Чырвоным касцёле
13.04 16:51Віртуальны музей кляштара картузіянцаў прэзентуюць у Бярозе
04.04 12:59«Адзіны спосаб выказаць любоў да мяне — судакрануцца падушачкамі пальцаў»: прэм’ера спектакля на тэму аўтызму прайшла ў Мінску
24.03 13:11Насельніцтва Астраўца з запускам Беларускай АЭС павялічыцца ў 2,7 разы
22.03 18:12Інклюзіўны фестываль творчасці дзяцей і моладзі «Фарбы жыцця» прайшоў у Мінску
11.03 10:23Бясплатная паслуга дзённага дагляду пажылых людзей з’явіцца ва ўсіх раёнах Мінскай вобласці
10.03 18:04У Мінску прайшла канферэнцыя на тэму смяротнага пакарання
18.12 21:36Місія «Чыстае сэрца» перад Божым Нараджэннем парадавала хлопчыкаў з Крывіцкага прафесійна-тэхнічнага вучылішча
13.08 16:25У Беларусі знізілася колькасць шлюбаў і разводаў