Фота Аўдыё Відэа  
be  ru  pl  en  de info@catholic.by
Святарскія рэкалекцыі прайшлі ў Пінску
Беларусь - Пінская дыяцэзія
28.11.2016 13:25

На заканчэнне Года Міласэрнасці 21–24 лістапада на базе Міждыяцэзіяльнай вышэйшай духоўнай семінарыі ў Пінску адбыліся рэкалекцыі для святароў. Духоўныя практыкаванні сабралі духавенства як з Пінскай, так і з суседніх дыяцэзій.

На працягу трох дзён разам з іерархамі мясцовага Касцёла святары разважалі пра веліч і адказнасць свайго служэння. Асаблівая ўвага была звернута на сузіранне шляху пакліканай асобы ў кантэксце гісторыі збаўлення свету, а таксама на фоне пакутнай і гераічнай гісторыі Касцёла ў Беларусі.

Для кожнага ўдзельніка рэкалекцыі сталі нагодай падвесці вынікі асабістага перажывання Года Міласэрнасці, які ў Паўсюдным Касцёле завяршыўся 20 лістапада, а таксама добрым часам для таго, каб у малітоўным суцішэнні падзякаваць Богу за атрыманыя за гэты год ласкі.

Кс. Андрэй Рылка
Фота Андрэя Бурака
(VGr)

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.