Фота Аўдыё Відэа  
be  ru  pl  en  de info@catholic.by
Рэкалекцыі па распазнанні паклікання прайшлі ў Лебедзеве
Беларусь - Мінска-Магілёўская архідыяцэзія
06.01.2017 14:52

З 3 па 5 студзеня ў Лебедзеве праходзілі адмысловыя рэкалекцыі для юнакоў, прысвечаныя распазнанню жыццёвага паклікання. Духоўныя практыкаванні праводзіў кс. Андрэй Рылка, рэктар Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску.

Хлопцы з розных парафій Мінска-Магілёўскай архідыяцэзіі на працягу трох дзён у малітве і на разнастайных духоўна-пазнавальных занятках знаёміліся з гісторыямі паклікання вялікіх біблейскіх постацей, параўноўвалі іх перажыванні з тым, што сустракае ў сваім жыцці сучасная моладзь.

У межах рэкалекцый юнакі наведалі гістарычныя мясціны парафій ў Палачанах і Беразінскім. Пробашч парафіі кс. Сяргей Бараўнёў, між іншым, паказаў удзельнікам рэкалекцый руіны старадаўняга касцёла ў в. Аборак, які з даўніх часоў быў месцам пілігрымак як санктуарый з цудадзеным абразом св. Роха.

На завяршэнне рэкалекцый кс. Андрэй Рылка распавёў юнакам пра разнастайныя мерапрыемствы, якія праводзяцца ў дыяцэзіях Беларусі для тых, хто разважае над сваім пакліканнем.

Між іншым святар расказаў пра акцыю «Стань клерыкам на ўік-энд», у межах якой юнакі могуць прыехаць у Міждыяцэзіяльную духоўную семінарыю ў Пінск на некалькі дзён, каб акунуцца ў рытм жыцця клерыка, бліжэй пазнаёміцца з месцам, дзе ўзрастаюць у сваім пакліканні будучыя святары.

Духоўныя практыкаванні скончыліся малітвай удзячнасці за дар рэкалекцый і іх арганізацыю. Словы асаблівай падзякі былі выказаны кс. Уладзіміру Русаку, гаспадару сустрэчы, пробашчу парафіі ў Лебедзеве, адказнаму за  душпастырства пакліканняў да святарства Мінска-Магілёўскай архідыяцэзіі.

(AR), (IL)


 

Пры выкарыстанні матэрыялаў сайта спасылка на Catholic.By абавязкова.

Беларусь - Мінска-Магілёўская архідыяцэзія

22.06 17:587 незвычайных фактаў пра Эдварда Вайніловіча, у гонар якога хочуць перайменаваць сквер у Мінску
21.06 08:51«Рыбы» і Laudans прадставяць Касцёл Беларусі на фестывалі «Магутны Божа»
20.06 16:13Бабруйск: Апостальскі Нунцый Габар Пінтэр памаліўся ў справе мясцовага касцёла
20.06 15:38Пілігрымы з Маладзечна дзеляцца сваім досведам пра шлях у Будслаў пешшу
19.06 15:48Мітрапаліт Кандрусевіч удзяліў сакрамэнт канфірмацыі вернікам у Свіры (+фота)
19.06 15:0425-годдзе адраджэння парафіі Св. Антонія адзначылі ў Слуцку
19.06 14:37У Мінску прайшла канферэнцыя ў гонар св. Шарбэля
19.06 14:12Дыпломы катэхетаў уручылі выпускнікам Мінскага тэалагічнага каледжа
19.06 12:11«Касцёл на Магілёўшчыне — жывы»: урачыстая працэсія Божага Цела прайшла ў Магілёве
19.06 11:36У Нясвіжы распачалі духоўную падрыхтоўку да святкавання 425-годдзя касцёла Божага Цела