Фота Аўдыё Відэа  
be  ru  pl  en  de info@catholic.by
У Мінску прайшла аплаткавая сустрэча святароў Міншчыны і ўдзельнікаў руху «Маргарытка»
Беларусь - Мінска-Магілёўская архідыяцэзія
03.01.2017 09:03

2 студзеня ў мінскім касцёле свв. Сымона і Алены (Чырвоны касцёл) прайшла аплаткавая сустрэча для святароў Мінска і Мінскага раёна і ўдзельнікаў руху «Маргарытка». Распачалася сустрэча святой Імшой, якую ўзначаліў Мітрапаліт Тадэвуш Кандрусевіч.

Супольная сустрэча святароў і гэтай групы вернікаў сімвалічная, бо сутнасць апостальскага руху «Маргарытка» заключаецца ў штодзённай малітве за канкрэтнага святара альбо законную сястру.

У гаміліі, якую прамовіў дапаможны біскуп Мінска-Магілёўскай архідыяцэзіі Юрый Касабуцкі, была ўзгадана гісторыя з’яўлення малітоўнага і апостальскага руху «Маргарытка». У Канадзе на пачатку 80-х гадоў мінулага стагоддзя дзяўчынка Маргарэт моцна захварэла. Немач не перашкодзіла гэтай 13-гадовай дзяўчыне ўбачыць у сваіх цярпеннях дар ад Бога і ахвяраваць яго за святароў.

Біскуп Юрый заклікаў прысутных удзельнікаў руху да больш глыбокага асэнсавання свайго паклікання маліцца за святароў. Іерарх падзякаваў за гэтую ахвярную малітву і падтрымку святароў.

Пасля заканчэння святой Імшы ў белай зале святыні ў цёплай і сямейнай атмасферы прайшло дзяленне аплаткай.

Між іншым, група вернікаў з вілейскай парафіі арганізавала і ўручыла «Маргарытку» біскупу Юрыю Касабуцкаму.

Для ўдзельнікаў апостальскага руху сустрэча завяршылася арганізацыйнай сустрэчай, малітвай Вяночка да Божай Міласэрнасці і благаслаўленнем у капліцы Маці Божай Будслаўскай.

Святлана Пашкевіч
(VGr)

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Мінска-Магілёўская архідыяцэзія

22.06 17:587 незвычайных фактаў пра Эдварда Вайніловіча, у гонар якога хочуць перайменаваць сквер у Мінску
21.06 08:51«Рыбы» і Laudans прадставяць Касцёл Беларусі на фестывалі «Магутны Божа»
20.06 16:13Бабруйск: Апостальскі Нунцый Габар Пінтэр памаліўся ў справе мясцовага касцёла
20.06 15:38Пілігрымы з Маладзечна дзеляцца сваім досведам пра шлях у Будслаў пешшу
19.06 15:48Мітрапаліт Кандрусевіч удзяліў сакрамэнт канфірмацыі вернікам у Свіры (+фота)
19.06 15:0425-годдзе адраджэння парафіі Св. Антонія адзначылі ў Слуцку
19.06 14:37У Мінску прайшла канферэнцыя ў гонар св. Шарбэля
19.06 14:12Дыпломы катэхетаў уручылі выпускнікам Мінскага тэалагічнага каледжа
19.06 12:11«Касцёл на Магілёўшчыне — жывы»: урачыстая працэсія Божага Цела прайшла ў Магілёве
19.06 11:36У Нясвіжы распачалі духоўную падрыхтоўку да святкавання 425-годдзя касцёла Божага Цела