Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Біскуп Юрый Касабуцкі наведаў з пастырскай візітацыяй парафію ў Слуцку
Беларусь - Мінска-Магілёўская архідыяцэзія
19.09.2016 13:12

17 верасня, у свята стыгматаў св. Францішка Асізскага, у парафіі Св. Антонія ў Слуцку адбылася пастырская візітацыя. Парафію наведаў дапаможны біскуп Мінска-Магілёўскай архідыяцэзіі Юрый Касабуцкі, які пазнаёміўся з яе жыццём і ўмацаваў вернікаў супольнай малітвай і добрым словам.

У гаміліі біскуп заахвоціў вернікаў клапаціцца пра глебу свайго сэрца, адзначыўшы, што зерне можа прарасці і прынесці багаты плён толькі на добрай глебе. Зямлёй жа, на якой дваццаць чатыры гады існуе парафія, з’яўляецца Случчына, дзе сёння бачны багаты плён працы рук святара і манахінь: касцёл, два кляштары, а самае галоўнае — парафіяне: дарослыя, моладзь і дзеці, якія напаўняюць святыню і ствараюць адну Божую сям’ю.

Сустрэча з іерархам спрыяла таму, каб сэрцы вернікаў напоўніліся радасцю і супакоем. Парафіяне ўдзячныя Богу за дар сустрэчы з біскупам Юрыем Касабуцкім.

С. Яна Аляксеева CSSH
(AG)
Фота Святланы Лабковіч

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.