Фота Аўдыё Відэа  
be  ru  pl  en  de info@catholic.by
«Мы паказваем, што людзей з інваліднасцю баяцца не трэба»: арганізатары сацыяльнай акцыі «Свет у дотыку»
Беларусь - Мінска-Магілёўская архідыяцэзія
07.12.2015 19:07

7 снежня «Дабрачыннае каталіцкае таварыства Карытас» сумесна з АТ «Беларускай асацыяцыяй дапамогі дзецям-інвалідам і маладым інвалідам», а таксама праграмай «Мівія» правёў акцыю для журналістаў «Свет у дотыку», прысвечанай тэме інваліднасці.

Назва «Свет у дотыку» аказалася невыпадковай. Журналісты з розных выданняў змаглі на сабе адчуць, як успрымаюць свет людзі з парушэннямі зроку.

Прадстаўнікі СМІ па чарзе заходзілі ў «цёмны пакой» з завязанымі вачыма ў суправаджэнні валанцёраў праграмы «Мівія» і павінны былі навобмацак вызначыць прадметы быту, рэчы і прадукты харчавання.


Адчуць «свет у дотыку» прадстаўнікам СМІ дапамагаў чарговы праект праграмы «Мівія» пад назвай «Інфармацыйны цэнтр».

Госці мерапрыемства былі пастаўлены ва ўмовы, у якіх кожны дзень знаходзяцца людзі з аслабленым зрокам.

«Свет, які нас акружае, могуць успрымаць па-іншаму каля 500 тысяч чалавек. Наша вялікая мэта — стварыць інфармацыйны цэнтр, дзе кожны з вас зможа адчуць той свет, у якім жыве чалавек, які не бачыць, слаба чуе, ці з’яўляецца інвалідам-калясачнікам, сюды таксама мы ўключым паняцце аутызм», — распавяла журналістам Людміла Скрадаль, кіраўнік праграмы «Мівія».


Адмысловай часткай такога спецыфічнага эксперымента быў блок «Сталіца», дзе ўдзельнікам неабходна было пазнаць навобмацак макеты вядомых будынкаў Мінска.

«Важная любая інфармацыйная нагода, якая прыцягвае ўвагу да праблем слабавідушчых і невідушчых, якім мы можам паказаць нашыя напрацоўкі. Цікава назіраць, калі людзі спачатку прыходзяць з завязанымі вачыма і, магчыма, спачатку скептычна адносяцца, а потым па ходу экскурсіі дзіцячая цікавасць праяўляецца ўсё больш і больш. Я ўпэўнена, што гэтая акцыя прымусіць людзей думаць больш пра гэтыя праблемы», — падзялілася ўражаннямі экскурсавод, кіраўнік аддзела макетавання праграмы «Мівія» Вольга Шамшура.


Калега Вольгі, эксперт па дызайну праграмы «Мівія» Арцём Рошчупкін прызнаўся, што з кожным годам праграма экскурсій дапаўняецца новымі інфармацыйнымі макетамі:

«Я лічу, што мы робім карысную справу як для невідушчых людзей, так і для тых, хто бачыць, таму што такія праграмы вучаць таксама і нас. Мы паказваем, што людзей з інваліднасцю баяцца не трэба. Галоўнае — гэта прымаць людзей, разумець, як з імі дзейнічаць. Гэта такія ж простыя людзі, як і мы», — распавёў Арцём.

Аб’яднанае Таварыства «БелАДДІіМІ» у сваю чаргу прэзентавала падчас акцыі свае праекты «Мастацтва за інклюзію людзей з інваліднасцю», «Звычайныя людзі – выданні аб раўнапраўным і самастойным удзеле людзей з інваліднасцю ў жыцці грамадства».  

Прадстаўнікі СМІ маглі пазнаёміцца з выданнямі, прысвечанымі тэме інваліднасці і працы з інвалідамі.

Таксама была прэзентавана фотавыстава вядомага беларускага фатографа Антона Матолькі з серыі «Не побач, а разам».

«Гэта магчымасць для звычайных людзей адкрыць вочы на тое, як адчуваюць сябе людзі з абмежаванымі магчымасцямі. Разумеючы іх, мы можам падтрымаць іх на ўзроўні духоўным, псіхічным,можам мець пэўнасць, што гэтыя людзі стануць ў нашай супольнасці простых людзей таксама такімі ж простымі і звыклымі», — адзначыў кс. Віталій Дабраловіч, кіраўнік нацыянальнага «Карытас».

Лепш зразумець людзей з абмежаванымі магчымасцямі журналісты маглі таксама ў «Інфармацыйным цэнтры па невідушчым і слабавідушчым».Тут, напрыканцы мерапрыемства, можна было паспрабаваць напісаць некалькі слоў шрыфтам Брайля.

Марына Валасар, фота аўтара

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Мінска-Магілёўская архідыяцэзія

22.06 17:587 незвычайных фактаў пра Эдварда Вайніловіча, у гонар якога хочуць перайменаваць сквер у Мінску
21.06 08:51«Рыбы» і Laudans прадставяць Касцёл Беларусі на фестывалі «Магутны Божа»
20.06 16:13Бабруйск: Апостальскі Нунцый Габар Пінтэр памаліўся ў справе мясцовага касцёла
20.06 15:38Пілігрымы з Маладзечна дзеляцца сваім досведам пра шлях у Будслаў пешшу
19.06 15:48Мітрапаліт Кандрусевіч удзяліў сакрамэнт канфірмацыі вернікам у Свіры (+фота)
19.06 15:0425-годдзе адраджэння парафіі Св. Антонія адзначылі ў Слуцку
19.06 14:37У Мінску прайшла канферэнцыя ў гонар св. Шарбэля
19.06 14:12Дыпломы катэхетаў уручылі выпускнікам Мінскага тэалагічнага каледжа
19.06 12:11«Касцёл на Магілёўшчыне — жывы»: урачыстая працэсія Божага Цела прайшла ў Магілёве
19.06 11:36У Нясвіжы распачалі духоўную падрыхтоўку да святкавання 425-годдзя касцёла Божага Цела