Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Маці Божая Будслаўская — хто гэта? З рубрыкі «Гавораць дзеці»
Беларусь - Мінска-Магілёўская архідыяцэзія
06.07.2013 13:29
Чым адметная сёлетняя ўрачыстасць у Будславе, чаму на абразе Маці Божая «носіць» карону і што дае вернікам удзел у Імшы. У рубрыцы «Гавораць дзеці» сваімі адказамі з карэспандэнтамі Catholic.by дзеляцца самыя маленькія госці Маці Божай Будслаўскай.
 
Рома Шкурдзюк, Барысаў (6 гадоў):
 
— Я прыехаў сюды з мамай, татам і бабуляй Галяй.
 
Ты ведаеш, чаму вы прыехалі сёння ў Будслаў?
 
— Трэба прыязджаць да святыні, каб не хварэць.
 
А ты ведаеш, хто такая Маці Божая?
 
— (упэўнена — Аўт.) Знаю. Гэта Марыя… Яна там на Абразе са сваім Сынам.


   
Караліна, Нарач (12 гадоў):
 
— Навошта ісці ў пілігрымку?
 
— Сёлета я першы раз ішла пяшком у Будслаў. Я ішла, каб скласці свае просьбы Маці Божай — прыйсці да Яе абраза і пакланіцца Ёй. Раней толькі мае сёстры хадзілі ў пілігрымку, расказвалі, як там весела, — вось і мне таксама хацелася.
 
А што просяць у Маці Божай?
 
— Каб здароўя дала, каб вылечыла нешта.

 
 
 
 
 
Надзея (10 гадоў) і Ксюша (5 гадоў) Грышанковічы, Глыбокае:
 
— Чаму вы сёння тут?
 
Ксюша (на фота — злева):
 
— Таму што мы прыехалі за мамай. А мама прыйшла сюды пяшком.
 
Надзея:
 
— (памагае сястры — Аўт.) Мы прыехалі сюды на свята.
 
— А што сёння за свята?
 
Ксюша:
 
— Прывезлі абраз Маці Божай Будслаўскай.
 
Надзея (на фота — злева):
 
— Я згодная з сястрычкай.
 
— У Маці Божай на абразе ёсць карона. Чаму?
 
Ксюша:
 
— Таму што Яна мама наша Боская.

— Хто такая манахіня?
 
Ксюша:
 
— Яны ахоўваюць Божаньку. Яны носяць такую (паказвае — Аўт.) шапачку і такую (паказвае — Аўт.) сукеначку.
 
— А хто такі ксёндз?
 
Надзея:
 
— Гэта такі чалавек, які стаіць ля алтара, раздае Камуніію. У яго доўгая спадніца. А шапкі няма (смяецца).


 
 Паліна (8 гадоў) і Ваня (8 гадоў), стрыечныя брат і сястра.
 
— Хто такі біскуп?
 
— Не ведаем. Мы яго ніколі не бачылі. Магчыма, у яго карычневыя валасы.
 
— А хто такі ксёндз?
 
— Ксёндз — гэта той, хто гаворыць, каб усе маліліся.
 
— Хто такія манахі?
 
— Гэта людзі, які ходзяць у хустках і вялікіх доўгіх сукенках. Яны ходзяць, каб дапамагаць.


 
 
Вераніка (15) і Жэня (9) Седыя, Даўгінава:
 
— Ці хадзілі вы калі-небудзь у пілігрымку ў Будслаў?
 
Вераніка:
 
— Яшчэ не хадзілі, не спрабавалі. Але прыязджаем сюды штогод.
 
— А што такое пілігрымка, што людзі там робяць?
 
Вераніка:
 
— Пілігрымы — гэта людзі, якія ідуць да Бога. Ідуць памаліцца.
 
— Чаму да Божай Маці прыходзяць людзі?
 
Жэня:
 
— Таму што яна харошая.


Лёша Маркевіч, Маладзечна (9 гадоў):
 
— Што такое Імша?
 
— Гэта калі там прыходзяць, збіраецца шмат людзей, каб памаліцца.
 
— Маці Божая ў кароне. Як лічыш, чаму?
 
— Касцёлу вельмі шмат гадоў, ён ужо старажытны, таму Маці Божая яго вартуе.

 
Ілья Лапато OCDS, Віталій Палінеўскі 


 

Пры выкарыстанні матэрыялаў сайта спасылка на Catholic.By абавязкова.