Фота Аўдыё Відэа  
be  ru  pl  en  de info@catholic.by
Удзельніцы рэкалекцый у Адамавічах разважалі пра сутнасць быцця Божымі дзецьмі
Беларусь - Гродзенская дыяцэзія
09.01.2017 16:46

З 2 па 5 студзеня ў Адамавічах у кляштары сясцёр кармэлітак Дзіцятка Езуса прайшлі рэкалекцыі для дзяўчат. Тэмай духоўных практыкаванняў сталі словы з Евангелля: «Калі не станеце як дзеці, не ўвойдзеце ў Валадарства Нябеснае». Пра сутнасць быцця дзіцём Божым дзяўчатам распавядаў кс. Андрэй Скамарошка.

Кожны дзень рэкалекцый быў асаблівым, таму асноўнай задачай удзельнікаў было адкінуць усе перажыванні і праблемы, якія трывожаць сэрца, і нарэшце стаць Божым дзіцём, абдымаючы любячага Айца.

Што значыць быць Божым дзіцем? Божым дзіцём мы становімся ад самага пачатку, а менавіта ад моманту хросту. Гэта пячатка Божай любові, якая ніколі не змыецца з нас, пячатка, якая дае нам магчымасць быць простымі ў адносінах з Панам Богам.

Быць Божым дзіцём азначае быць пакорным (жыць у праўдзе перад Богам), сціплым (можаш шмат мець, але не прывязвайся да гэтага), даверлівым (умець аддаваць і давяраць Пану Богу, нягледзячы ні на што), здольным любіць («Бог ёсць любоў»).

Кожны дзень удзельніцы слухалі Божае слова, разважалі над ім, выказвалі свае думкі на хвалюючыя іх тэмы.

Углядаючыся ў Езуса Эўхарыстычнага падчас адарацыі Найсвяцейшага Сакрамэнту, дзяўчаты дзякавалі Пану Богу за дар веры і любові, за ўсе здольнасці і таленты, якія маюць, а таксама прасілі, каб Пан Бог кіраваў імі на жыццёвых шляхах, каб заўсёды і ўсюды заставацца Божым дзіцём.

Напрыканцы рэкалекцый удзельніцам даручылі несці радасць ад быцця Божымі дзецьмі ў сваё паўсядзённае жыццё — не толькі словам, але і ўчынкамі: «Дзеці, не будзем жа любіць словам ці моваю, але ўчынкам і праўдаю. І па гэтым пазнаем, што мы ад праўды, і супакоім перад Ім нашыя сэрцы».


Удзельніца рэкалекцый Яна Бабушкіна, фота аўтара

 

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

28.04 08:26Навучэнцы гродзенскай семінарыі наведалі дом-інтэрнат у Радуні
27.04 11:41Сёлетнія выпускнікі школ у Шчучыне здзейснілі пілігрымку ў Будслаў
26.04 09:31Збаўца, знойдзены на гарышчы, або духоўныя скарбы музея Януша Паруліса ў Гродне
25.04 17:53Падчас Велікоднага арганнага канцэрта ў Навагрудку ўшанавалі памяць спачылага кс. Леаніда Несцюка
24.04 14:13Семінарыйная супольнасць ў Гродне павіншавала з імянінамі найстарэйшага выкладчыка
24.04 11:13Кармэліт Генрых Валейка атрымаў прэзбітэрскае пасвячэнне
20.04 10:39Смаргонь: пры салезіянскай парафіі пройдзе фінальны тур «ІІ Бітвы мікрараёнаў»
19.04 08:49У новым выпуску «Падарожжаў дылетанта» — вёска Белагруда і яе касцёл
17.04 12:26Біскуп Аляксандр Кашкевіч у велікодную раніцу: уваскрасенне Езуса змяняе перспектывы чалавечага жыцця
14.04 12:36Імша Вячэры Пана ў гродзенскай катэдры: «Езус прагне заспакоіць голад сэрцаў»