Фота Аўдыё Відэа  
be  ru  pl  en  de info@catholic.by
Пастырскае благаслаўленне нованароджаным і іх маці ў лідскай радзільні ўдзяліў кс. Ежы Беганскі
Беларусь - Гродзенская дыяцэзія
09.01.2017 16:25

Душпастыр лідскай бальніцы кс. Ежы Беганскі з нагоды святаў Божага Нараджэння наведаў у радзільным доме жанчын, якія нарадзілі сваіх дзетак у перыяд ад 24 снежня па 8 студзеня. Кожная маці атрымала падарунак для дзіцятка, благаслаўленне для сябе і нованароджанага.

Паводле слоў дырэктара радзільнага дома Святланы Яўланавай, у вышэйзгаданы перыяд на Лідчыне нарадзілася 50 дзетак. На думку Святланы Яўланавай, хоць гэтыя жанчыны ў святочныя дні прабываюць не дома, а ў бальніцы, але яны маюць вялікую радасць — у дар ад Бога яны атрымалі сваіх дзетак.

Душпастыр лідскай бальніцы кс. Ежы Беганскі падчас сустрэч з маці нагадваў жанчынам аб прыгажосці мацярынскага паклікання. «Пабожная маці першая вядзе дзіця да Бога, і менавіта ў дабрыні маці дзіця спасцігае дабрыню Стварыцеля. Дзіця бязмежна давярае сваёй маці, бо яна атрымала ад Бога дар цалкам прымаць сваё дзіця і любіць яго дарэшты. Маці паклікана таксама стаць той, якая ахоўвае сваё дзіця ад негатыўных бакоў жыцця — асабліва на яго пачатку: ад болю і нястачы. Адначасова яна адкрывае прыгожае ў жыцці», — падкрэсліваў святар падчас размоў з маці.


(JB), (VGr)

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

23.02 10:00Адышла ў вечнасць маці кс. Яна Рушніцкага (абноўлена)
21.02 12:15«Падарожжа дылетанта» распавядае пра касцёл і цудадзейны абраз у Барунах
17.02 12:30Ксёндз Ян Сарэла правёў рэкалекцыі для семінарыстаў з Гродна на пачатак новага семестра
17.02 12:17Семінарысты з Гродна адведалі выхаванцаў дзіцячага дома-інтэрната ў Галавічполлі
14.02 15:31Каля 700 чалавек наведалі канцэрт арганнай музыкі ў парафіяльным касцёле ў Навагрудку
10.02 14:41Сястра Стэла Ядкоўская: 50 гадоў служэння хворым і церпячым
03.02 10:54Моладзь Гродзенскай дыяцэзіі прыняла ўдзел у турніры па футболе ў Варшаве
03.02 08:48Гродна: у бібліятэку духоўнай семінарыі можа запісацца кожны жадаючы
02.02 09:13Дыяцэзіяльная сустрэча кансэкраваных асобаў прайшла ў гродзенскай катэдры
23.01 12:15Гродна: семінарысты наведалі садок для дзяцей з абмежаванымі магчымасцямі