Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Вернікі з Іўя здзейснілі пілігрымку па святынях Польшчы
Беларусь - Гродзенская дыяцэзія
28.06.2016 18:50

Ужо стала добрай традыцыяй ў іўеўскай парафіі свв. апосталаў Пятра і Паўла вандраваць па святых месцах. 24 чэрвеня ва ўрачыстасць Нараджэння Святога Яна Хрысціцеля з Іўя вырушыла чарговая вандроўка па святых месцах Польшчы.

Маршрут пілігрымкі быў такі: Сакулка (касцёл святога Антонія Падуанскага) — Святая Вада пад Беластокам (цудадзейная крыніца, санктуарый Маці Божай Балеснай, Гара крыжоў з Юбілейным крыжам Пілігрымаў) — Беласток (санктуарый Божай Міласэрнасці) — Кракаў (Каралеўскі замак на Вавэлі, санктуарый Божай Міласэрнасці ў Лагеўніках) – Чэнстахова (духоўная сталіца Польшы, сэрца якой – цудатворны абраз Маці Божай Чэнстахоўскай).

У пілігрымцы, духоўным кіраўніком якой быў кс. Ян Гавецкі, ўдзельнічалі 54чалавекі.

Падчас пілігрымкі вернікі маглі наведваць святыні, некаторыя з якіх маюць так званыя брамы прабачэння — «Брамы Міласэрнасці».

Падарожжа ў Польшчу было не толькі магчымасцю пазнаёміцца з прыгожымі мясцінамі суседняй краіны, але і аднавіць сваё духоўнае жыццё.

Таццяна Віршчыч

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.