Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Дыякан Андрэй Ганчар распавёў пра сваё місіянерскае пакліканне
Беларусь - Гродзенская дыяцэзія
31.05.2016 11:46

29 мая ў парафіі імя Унебаўзяцця Найсвяцейшай Панны Марыі ў Лідзе (мк-н Індустрыяльны) падчас гамілій на нядзельных Імшах дк. Андрэй Ганчар распавядаў пра распазнанне свайго місіянерскага паклікання, а таксама пра ўчынкі міласэрнасці да бліжняга праз сведчанне любові.

Летам 2016 дыякан адправіцца на місію ў Камерун.

Падчас гаміліі дк. Андрэй дзяліўся гісторыяй свайго місіянерскага паклікання, адзначаючы, што шлях да місіянерскага служэння адкрыў яшчэ падчас фармацыі ў семінарыі, затым удасканаліў сваю ўпэўненасць, што служэнне найбольш патрабуючым — гэта нясенне Евангелля туды, дзе пра Яго яшчэ не чулі.



Паводле сведчання дыякана, гэты шлях ён адкрыў для сябе падчас місіянерскай практыкі ў Казахстане.

Усведамляючы, што місіянерская праца з’ўляецца нялёгкім выпрабаваннем, патрабуючым не толькі малітоўнай, але і фінансавай падтрымкі, пасля св. Імшаў вернікі мелі магчымасць скласці ахвяраванні на патрэбы місіі ў Камеруне.

Памятаючы словы Папы Францішка, што ігнараваць беднага — тое ж, што пагарджаць Богам, парафіяне лідскай піярскай парафіі заклікаюць да малітвы ў інтэнцыі дк. Андрэя Ганчара, а таксама ў інтэнцыі дзяцей Афрыкі, да якіх ён накіроўваецца.

Аляксандр Снапко, фота Маргарыты Снапко

 

Пры выкарыстанні матэрыялаў сайта спасылка на Catholic.By абавязкова.