Фота Аўдыё Відэа  
be  ru  pl  en  de info@catholic.by
У дзятлаўскім араторыі распачалі праект-разважанне «Да Езуса з ксяндзом Боско»
Беларусь - Гродзенская дыяцэзія
01.03.2016 14:44

Распрацоўваць праекты на Вялікі пост у араторыі імя благаслаўлёных мучанікаў з Познані ў Дзятлаве ўжо стала традыцыяй. Гэты год не стаў выключэннем. «Да Езуса з ксяндзом Боско» — так гучыць тэма на Вялікі пост 2016 года, дэвізам якога сталі словы «О Езу найцярплівейшы! Будзь міласэрны да нас!».

27 лютага ў межах праекта-разважання ў араторыі адбыўся дыялог на тэму «Эўхарыстыя і Марыя ў маім жыцці». Пачалася сустрэча супольнай малітвай. Працягам стала гульня, якая дазволіла прысутным адкрыць свае сэрцы для пазнання сябе і стварыць атмасферу добразычлівасці.



Асноўная частка сустрэчы была пабудавана на сне св. Яна Боско «пра дзве калоны» і была прысвечана абмеркаванню ролі Эўхарыстыі ў жыцці сапраўднага хрысціяніна, а таксама Панны Марыі як прыкладу паслухмянасці і пакорнасці.

Кожны з прысутных мог падзяліцца думкамі, перажываннямі, прыкладамі з уласнага жыцця на гэтую тэму. Падчас дыялогу кс. Здзіслаў Пікула SDB падкрэсліў: «Удзел у Эўхарыстыі дапамагае кожнаму з нас паяднацца з Хрыстом. Праз Эўхарыстыю Хрыстус умацоўвае нас сваёй ласкаю, аднаўляе ў нас Божае жыццё. Марыя — наша нябесная матуля, якая на працягу свайго жыцця выконвала Божую волю. Кожны з нас можа Яе ў гэтым наследаваць».

Працягам мерапрыемства стала супольная праца дзяцей і моладзі. Было прапанавана зрабіць калаж «Мае пастановы на Вялікі пост». Завяршылася сустрэча згодна з салезіянскай традыцыяй — «Слоўкам на добрую ноч».

Паводле Алены Баклага
www.sdb.by



 

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

26.04 09:31Збаўца, знойдзены на гарышчы, або духоўныя скарбы музея Януша Паруліса ў Гродне
25.04 17:53Падчас Велікоднага арганнага канцэрта ў Навагрудку ўшанавалі памяць спачылага кс. Леаніда Несцюка
24.04 14:13Семінарыйная супольнасць ў Гродне павіншавала з імянінамі найстарэйшага выкладчыка
24.04 11:13Кармэліт Генрых Валейка атрымаў прэзбітэрскае пасвячэнне
20.04 10:39Смаргонь: пры салезіянскай парафіі пройдзе фінальны тур «ІІ Бітвы мікрараёнаў»
19.04 08:49У новым выпуску «Падарожжаў дылетанта» — вёска Белагруда і яе касцёл
17.04 12:26Біскуп Аляксандр Кашкевіч у велікодную раніцу: уваскрасенне Езуса змяняе перспектывы чалавечага жыцця
14.04 12:36Імша Вячэры Пана ў гродзенскай катэдры: «Езус прагне заспакоіць голад сэрцаў»
10.04 09:26У Вялікай Бераставіцы памаліліся Крыжовы шлях за хрысціянаў, церпячых пераслед
07.04 10:57У перыяд падрыхтоўкі да Вялікадня гродзенскія семінарысты наведалі выхаванцаў дому-інтэрната ў Галавічполлі