Біскуп Юзаф Станеўскі наведаў дзіцячы лагер |
Беларусь - Гродзенская дыяцэзія
|
29.07.2015 12:34 |
Дапаможны біскуп Гродзенскай дыяцэзіі Юзаф Станеўскі разам са спонсарамі ААТ “ЗОВ-профиль” наведаў дзіцячы лагер адпачынку “Нецеч” пры дабрачынным каталіцкім таварыстве “Карытас” Гродзенскай дыяцэзіі.
Для адміністрацыі лагеру і выхаванцаў вялікай радасцю было ўбачыць гасцей, якія былі вельмі адкрыты на камунікацыю з дзецьмі.
У сваю чаргу дзеці падрыхтавалі святочны канцэрт, у якім хацелі паказаць усе свае творчыя здольнасці.
Пасля мастацкай праграмы адбылася святая Імша ў касцёле св. Міхала Арханёла, якую ўзначаліў біскуп Юзаф Станеўскі. У гаміліі іерарх заклікаў дзяцей, якія зараз знаходзяцца ў адпачынку, заўсёды, а асабліва падчас канікул, памятаць пра Бога і не забываць аб малітве. Таксама біскуп заахвоціў дзяліцца радасцю і дабром з усімі людзьмі.
На завяршэнне адбыўся святочны абед для ўсіх прысутных гасцей. Дзеці былі вельмі ўдзячныя ім за тое, што тыя знайшлі час на сустрэчу і сумеснае праслаўленне Бога праз малітву, спевы і размовы.
Дзеці ўдзячныя таксама супрацоўнікам гродзенскага “Карытас” за прадстаўленую магчымасць адпачынку і правядзення канікул разам з Богам.
Алег Гарбачоў, (AG)
|
Фотарэпартаж |