У Раготне ва ўрачыстасць Спаслання Духа Святога адбылася Першая Камунія |
Беларусь - Гродзенская дыяцэзія |
26.05.2015 16:46 |
24 мая, ва ўрачыстасць Спаслання Духа Святога, восем дзяцей парафіі Святых Анёлаў Ахоўнікаў у Раготне (Гродзенская дыяцэзія) першы раз у жыцці прынялі святую Камунію. Да гэтай падзеі дзеці рыхтаваліся на працягу двух гадоў праз удзел у катэхезах, нядзельных Імшах і іншых малітоўных сустрэчах.На пачатку літургіі пробашч кс. Віктар Захарэўскі прывітаў дзяцей і бацькоў пры ўваходзе ў касцёл і заахвоціў дзяцей папрасіць благаслаўлення ў бацькоў. Падчас літургіі святар зазначыў, што парафія святкуе ў гэты дзень дзве ўрачыстасці, якія прыгожа зліваюцца ў адно. Хлопчыкі і дзяўчынкі, а таксама іх бацькі з вялікім хваляваннем перажывалі сваё свята. Адбылася таксама працэсія вакол святыні. На заканчэнне да дзяцей са словамі пажаданняў звярнуліся іх бацькі. Атрымаўшы з рук пробашча сімвалічны хлеб з крыжыкамі, яны пайшлі дадому, каб падзяліцца гэтым хлебам з роднымі.
Дзіяна Татарынава |
Фотарэпартаж |