3 сакавіка ў лідскай парафіі Узвышэння Святога Крыжа прайшоў адкрыты турнір па міні-футболе сярод міністрантаў, які быў названы ў гонар св. Тарцызія. Першыя месцы заваявалі хлопцы з Гродна.

У турніры прынялі удзел пяць каманд з парафій Ліды, Гродна, Шчучына і Ашмян. На пачатку турніра ў парафіі Узвышэння Святога Крыжа адбылася святая Імша, якую ўзначаліў дапаможны біскуп Гродзенскай дыяцэзіі Юзаф Станеўскі.

Вынікі турніра наступныя:

• 1 месца — Гродна-аўгустовак
• 2 месца — Гродна-катэдра
• 3 месца — Ашмяны
• 4 месца — Ліда-Фара
• 5 месца — Шчучын

• Найлепшы гулец — Раман Гурскі
• Найлепшы бамбардзір — Марк Занеўскі
• Найлепшы брамнік — семінарыст Дзяніс Бразінскі

Актыўны ўдзел у арганізацыі турніра прынялі кс. Уладзімір Гуляй, кс. Ян Кучынскі, кс. Ян Пузына, кс. Артур Малафей.