| Семінарысты з Гродна заахвочваюць да ахвяраванняў на карысць дзіцячых прытулкаў |
| 16.03.2010 12:48 |
 У Евангеллі чытаем такія словы Езуса Хрыста: «Бо Я быў галодны, і вы далі Мне есці; прагнуў, і вы напаілі мяне; быў падарожным, і вы прынялі Мяне; (…) Што вы зрабілі аднаму з гэтых братоў Маіх меншых, вы Мне зрабілі» (пар. Мц 25, 35. 40). Гэтымі словамі Хрыстус атаясамлівае сябе з кожным чалавекам, які церпіць матэрыяльную або духоўную нястачу. Такімі людзьмі з’яўляюцца і выхаванцы дзіцячых прытулкаў, якія з прычыну эгаізму і зачарсцвеласці сэрцаў сваіх бацькоў не адчулі сямейнага цяпла і любові. 14 сакавіка 2010 г. у чацвёртую нядзелю Вялікага Посту, якая называецца «lаetarae» — нядзеля радасці і надзеі, навучэнцы старэйшых курсаў Вышэйшай духоўнай семінарыі ў Гродне наведалі парафіі горада. Пасля кожнай святой Імшы яны збіралі ахвяраванні для дзіцячых дамоў. Ужо больш за дзесяць год семінарысты наведваюць дзіцячыя дамы ў Радуні, Галавічполлі і Парэччы, а таксама дзіцячы сад ў вішнявецкім раёне Гродна, каб дзяліцца з дзецьмі радасцю і ахвараваць для іх саміх сябе і свой час. 
|
для друкуПры выкарыстанні матэрыялаў сайта спасылка на Catholic.By абавязкова.
