7 снежня ў святыні св. Антонія пры рымскай калегіі «Russicum» пройдзе ўрачыстая літургія, якую ўзначаліць арцыбіскуп Кірыл Васіль, сакратар Кангрэгацыі па справах Усходніх Касцёлаў.

Калегія «Russicum» вядомая тым, што ў ёй прэзбітэрскае пасвячэнне атрымаў біскуп Чэслаў Сіповіч, які ў свой час таксама быў членам Кангрэгацыі па справах Усходніх Касцёлаў.

Гэты дзень будзе таксама днём малітвы за Беларусь і за ўсіх хрысціянаў Беларусі. Як падкрэсліваў біскуп Чэслаў Сіповіч, ён заўсёды лічыў сябе святаром для ўсіх хрысціянаў Беларусі, не толькі для грэка-католікаў, але і для рыма-католікаў і праваслаўных.

На ўрачыстасць запрошаны беларусы, якія жывуць у Рыме, і ўсе сябры Беларусі.

(JLS)