Для сем’яў, дзеці ў якіх маюць праблемы са слыхам, супрацоўнікамі дабрачыннага каталіцкага таварыства «Карытас» сумесна з дабрачынным гуманітарным фондам «Гармонія гукаў» на Дзень маці было падрыхтавана свята. Для дзяцей і іх бацькоў арганізавалі экскурсію ў музейны комплекс старадаўніх народных рамёстваў і тэхналогій «Дудуткі».

4 кастрычніка ў Глыбокім (Віцебская дыяцэзія) прайшла сустрэча «Мы разам» для асобаў з псіхічнымі і фізічнымі захворваннямі, іх бацькоў і апекуноў. Мерапрыемства было арганізавана дабрачынным каталіцкім таварыствам «Caritas» пры парафіі Найсвяцейшай Тройцы пры падтрымцы мясцовых уладаў.

Дэлегацыя дабрачыннага каталіцкага таварыства «Карытас» Гродзенскай дыяцэзіі на чале з яго дырэктарам кс. Віталіем Дабраловічам наведала дабрачынную арганізацыю салідарнасці нямецкіх католікаў з людзьмі Усходняй Еўропы «Renovabis» у Фрайзінгу.

Ужо ў другі раз рэлігійная місія Дабрачыннае каталіцкае таварыства «Карытас» Канферэнцыі Каталіцкіх Біскупаў Беларусі ў супрацоўніцтве з бельгійскай арганізацыяй «Eurochildren» арганізавала для беларускіх дзяцей адпачынак у Бельгіі.

Для дабрачыннага каталіцкага таварыства «Карытас» Мінска-Магілёўскай архідыяцэзіі стала добрай традыцыяй спрыяць у арганізацыі адпачынку за мяжой для беларускіх дзяцей і моладзі. У гэтым годзе 120 дзяцей наведаюць такія месцы ў Польшчы, як Лодзь, Элк і Кельцэ, а таксама «Хаўс Нідэрмюлен» у Германіі.

Да Міжнароднага дня абароны дзяцей дабрачыннае каталіцкае таварыства “Карытас” Мінска-Магілёўскай архідыяцэзіі арганізавала свята, артыстамі на якім былі дзеці. На свята былі запрошаны дзеці з “Дабрачыннага сацыяльна-рэабілітацыйнага цэнтра св. Лукі”, з прытулку пры сацыяльна-педагагічным цэнтры Цэнтральнага раёна, а таксама з Цэнтра дадатковай адукацыі дзяцей і моладзі “Эврика” Фрунзенскага раёна Мінска.

7-8 чэрвеня ў Мінску праходзіла дабрачынная акцыя ў абарону жыцця і сямейных каштоўнасцяў. Мерапрыемства арганізавала грамадскае дабрачыннае аб’яднанне абароны жыцця ад яго вытокаў “Выратаванне немаўлят”.

Шаснаццаццю лепшымі мастацкімі нумарамі парадавалі мінскіх гледачоў навучэнцы дзіцячых дамоў і школ-інтэрнатаў. У мінулыя выходныя адбыўся дабрачынны фінальны канцэрт фестывалю “Таленты чыстых сэрцаў”.

На працягу двух дзён, 6-7 мая, супрацоўнікі дабрачыннага каталіцкага таварыства “Карытас”, занятыя ў рэалізацыі праектаў па дапамозе дзецям, прымалі ўдзел у трэнінгу, арганізаваным у межах праекта «Familyfirst» па ўвядзенні Канцэпцыі палітыкі па абароне правоў дзяцей.

10-11 красавіка ў Мінску адбыўся ІІ Рэспубліканскі сацыяльны форум “Сацыяльная згуртаванасць у імя ўсеагульных інтарэсаў”. У форуме ўдзельнічалі прадстаўнікі заканадаўчай і выканаўчай уладаў, грамадскіх арганізацый, бізнес-супольнасцяў, а таксама прадстаўнікі дабрачыннага каталіцкага таварыства “Карытас”.

21 сакавіка, у Міжнародны дзень чалавека з сіндромам Дауна, у зале ДДПУ імя М. Танка пры падтрымцы дабрачыннага каталіцкага таварыства “Карытас” і АТ «БелАПДИиМИ» прайшла прэзентацыя кнігі Іва Сельнера “Міфы і факты пра людзей з разумовымі абмежаваннямі”.

Па традыцыі на другім тыдні Вялікага посту супрацоўнікі дабрачыннага каталіцкага таварыства “Карытас” у Беларусі збіраюцца на духоўныя практыкаванні. У гэтым годзе да іх далучыліся таксама валанцёры арганізацыі, на якіх ускладаецца асноўная частка дзейнасці. Удзельнікаў духоўных практыкаванняў прымаў “Карытас” Мінска-Магілёўскай архідыяцэзіі ў Цэнтры св. Лукі ў Ляскоўцы.

Дабрачыннае каталіцкае таварыства «Карытас» у Мінску арганізуе акцыю, у межах якой распаўсюджвае паштоўкі ручнога вырабу. Аўтары паштовак – людзі з абмежаванымі магчымасцямі. Нягледзячы на гэта, яны змаглі знайсці выйсце з сітуацыі і ператварылі сваё жыццё ў мастацтва.

13 лютага ў Цэнтры «Карытас» у Ляскоўцы адбылася сустрэча працаўнікоў дабрачыннага каталіцкага таварыства «Карытас» Мінска-Магілёўскай архідыяцэзіі з Мітрапалітам Мінска-Магілёўскім арцыбіскупам Тадэвушам Кандрусевічам, дапаможным біскупам Юрыем Касабуцкім і дырэктарам Нацыянальнага «Карытас» кс. Віктарам Гайдукевічам SDB.