Фота Аўдыё Відэа  
be  ru  pl  en  de info@catholic.by
Аплаткавая сустрэча Equipes Notre-Dame прайшла ў Баранавічах
Беларусь
11.01.2017 12:41

7 студзеня, нягледзячы на моцныя маразы, на аплаткавую сустрэчу ў Баранавічы прыехалі 40 сем’яў з розных куткоў Беларусі — удзельнікаў душпастырства Equipes Notre-Dame.

Традыцыйна сустрэча распачалася адарацыяй Найсвяцейшага Сакрамэнту, падчас якой кожная сем’я ў цішыні магла прысвяціць сваё жыццё Беззаганнаму Сэрцу Марыі і Найсвяцейшаму Сэрцу Езуса, а таксама папрасіць Святога Духа аб асаблівым кіраўніцтве.


Святую Імшу ў гэты дзень узначаліў адказны за сямейнае душпастырства кс. Андрэй Сіповіч, які ў сваёй гаміліі акцэнтаваў увагу сем’яў на тым, што хрысціяне павінны не толькі захоўваць радасць жыцця з Богам у сваіх дамах, але і несці яе ў сваё асяроддзе.


Пасля святой Імшы адбылося дзяленне аплаткай. Таксама ў гэтым годзе было вырашана ўвесці новую традыцыю — малітву адно за аднаго на працягу ўсяго года. Задачай сем’яў падчас абмену віншаваннямі было знайсці сям’ю, прозвішча якой указвалася на картцы і запытацца, у якой інтэнцыі ім патрэбна малітва.

Першая частка святочнай праграмы стала сапраўднай творчай майстэрняй з такімі курсамі, як «Міміка», «Харэаграфія» і «Вакал». Цікава, што добрыя адзнакі на майстэрні атрымалі не толькі сужанствы, але і духоўныя  дарадчыкі душпастырства, якія таксама актыўна ўдзельнічалі ў працэсе.


Другая частка свята складалася з творчых нумароў, якія суполкі прывезлі на «Фабрыку Зорак END». Распачалася конкурсная праграма незвычайнай батлейкай, якую падрыхтавалі сем’і з Мінска. Добры настрой падтрымаў творчы дуэт з Нясвіжа і казачныя пытанні ад суполкі з Баранавіч. Сур’ёзную пастаноўку-разважанне «Што было б, калі б Езус не нарадзіўся» падрыхтавалі сем’і з Негарэлага. Тэатральную пастаноўку «Вечары  бліз Мышанкі» прадставілі на конкурсе сем’і з Новай Мышы. А вось сем’і з Ганцавіч зладзілі на сцэне незвычайнае інтэлектуальнае спаборніцтва паміж жанчынамі і мужчынамі, у выніку якога лік зраўняла менавіта Божая любоў.

Кожная суполка, якая прыняла ўдзел у конкурсе, атрымала «зорку» ў сваёй намінацыі, але ў выніку агульнага галасавання галоўны прыз «Фабрыкі зорак END» атрымалі сем’і з в. Новая Мыш.

Напрыканцы свята ўсе ўдзельнікі душпастырства атрымалі прапанову стаць удзельнікамі сямейнага турзлёту Equipes Notre-Dame, які плануецца правесці  ў чэрвені 2017 года.


Максім і Аліна Угорыч, фота Генадзя і Марыны Хіневіч

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь

25.03 05:43Велікапосныя рэкалекцыі на Catholic.by. Разважанне чацвёртае «Божа Мой, чаму Ты Мяне пакінуў?»
23.03 18:30Разважанне да набажэнства Крыжовага шляху на тэму працы
23.03 10:22У Нацыянальным мастацкім музеі пасля рэстаўрацыі прадставілі карціну Яна Дамеля «Маленне аб чашы»
21.03 11:59Дзённік перэгрынацыі фігуры Маці Божай Фацімскай (Негарэлае, Узда)
19.03 05:30Вялікапосныя рэкалекцыі на Catholic.by. Разважанне трэцяе «Жанчына, вось сын Твой»
17.03 17:07Велікапосныя рэкалекцыі прайшлі ў пінскай семінарыі
16.03 18:46Марыянін Андрэй Сідаровіч MIC: Дзякуючы кс. Юзафу Пятушку я распазнаў сваё пакліканне
16.03 11:25Беларуская даследчыца Бібліі Галіна Сініла ўзнагароджана прэміяй «Дыялог, узаемаразуменне і прымірэнне»
16.03 09:18Да дня св. Патрыка у мінскім кінатэатры прэзентуюць ірландскі мультфільм па-беларуску
12.03 05:49Велікапосныя рэкалекцыі на Catholic.by. Разважанне другое «Сапраўды кажу табе, што сёння будзеш са Мною ў раі»