Фота Аўдыё Відэа  
be  ru  pl  en  de info@catholic.by
Папа Францішак просіць Апостальскага Нунцыя благаславіць моладзь Беларусі
Беларусь
25.09.2014 18:33

25 верасня ў Апостальскім Палацы Папа Францішак прыняў на аўдыенцыі Апостальскага Нунцыя ў Беларусі арцыбіскупа Клаўдыё Гуджэроцці. Пантыфік прадэманстраваў глыбокае веданне ролі Беларусі ў працэсе аднаўлення міру ва Украіне і выказаў перакананне, што асаблівая роля хрысціян — быць міратворцамі, таму што любоў мацнейшая за любыя этнічныя падзелы і палітычныя рознагалоссі.

Папа з энтузіязмам прыняў да ведама, што Каталіцкі Касцёл у Беларусі застаецца жывой і актыўнай супольнасцю, і дакладней затрымаўся на важных сёлетніх падзеях жыцця беларускіх католікаў. Пантыфік таксама падкрэсліў, што і надалей Святы Пасад будзе намагацца дзейнічаць на карысць беларускага народа, і выказаў надзею на тое, што атмасфера  дыялогу і ўзаемапаразумення паміж Святым Пасадам і Рэспублікай Беларусь будзе ўмацоўвацца, дазваляючы знайсці пазітыўнае рашэнне некаторых адкладзеных пытанняў.

Апостальскі Нунцый перадаў Папу Францішку некалькі пілігрымскіх футболак — падарунак беларускай каталіцкай моладзі, якая сёлета пілігрымавала ў санктуарый Маці Божай Будслаўскай. З жывой зацікаўленасцю Пантыфік азнаёміўся са здымкамі і пасланнем, якое скіравалі Святому Айцу маладыя беларускія пілігрымы.

Папа выказаў надзею на тое, што маладыя беларусы, незалежна ад веравызнання і перакананняў, адчуваюць сябе пратаганістамі будучыні, людзьмі неабыякавымі да супольнага дабра сваёй краіны і ўсяго чалавецтва.

Напрыканцы Пантыфік запэўніў, што моліцца за моладзь Беларусі і ўвесь беларускі народ.

 

 


 

 

Пры выкарыстанні матэрыялаў сайта спасылка на Catholic.By абавязкова.

Беларусь

23.06 12:3025 чэрвеня — беатыфікацыя біскупа Тэафілюса Матулёніса
23.06 11:35Дзённік перэгрынацыі фігуры Маці Божай Фацімскай (Засвір)
22.06 11:03Да Марыі ў Будслаў: стартавалі першыя пілігрымкі — з Ліды і Баранавіч
22.06 10:41Куды пайсці вучыцца? Правілы паступлення ў каталіцкія семінарыі і каледжы Беларусі (абноўлена)
14.06 16:34Мінскі тэалагічны каледж імя св. Яна Хрысціцеля распачынае прыём дакументаў на 2017/2018 гг.
14.06 13:35«Каталіцкі пілігрым» працягвае запіс у пілігрымку ў Фаціму з нагоды 100-годдзя марыйных аб’яўленняў
12.06 13:06Паўлін а. Ануфрый Альховік цэлебраваў прыміцыйную Імшу ў мінскім Чырвоным касцёле
07.06 09:50#Маяпершаякамунія: 5 гісторый ад чытачоў Catholic.by (частка ІІ)
05.06 15:18Адышоў у вечнасць кс. Ян Шуткевіч, які шмат зрабіў у справе аднаўлення касцёлаў у Беларусі
05.06 13:13Беларуская дэлегацыя прыняла ўдзел у міжнароднай канферэнцыі з нагоды сустрэчы сем'яў у Дубліне