Аляксандр Лукашэнка запрасіў Патрыярха Канстанцінопальскага ў Беларусь

Беларусь

05.10.2010 11:41

Прэзідэнт Беларусі Аляксандр Лукашэнка ў мінулую нядзелю сустрэўся з Канстанцінопальскім Патрыярхам Барталамеем у Стамбуле і запрасіў яго скласці візіт у адказ. Прэзідэнт Беларусі адзначыў, што будзе заўсёды рады бачыць Канстанцінопальскага Патрыярха на беларускай зямлі, а таксама, як паведамляе афіцыйны сайт Прэзідэнта рэспублікі, распавёў пра ўнікальнасць і прыгажосць беларускай прыроды. Глава беларускай дзяржавы абмеркаваў з Патрыярхам узаемаадносіны Царквы і грамадства і распавёў пра адносіны паміж дзяржавай і Праваслаўнай Царквой у Беларусі.