Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
З Магілёва ў Бялынічы выйдзе першая пешая пілігрымка
Анонсы
08.09.2016 15:58

24–25 верасня адбудзецца першая пешая пілігрымка з Магілёва ў Бялынічы — месца, якое славіцца цудадзейным абразом Мацi Божай. У праграме ўрачыстых мерапрыемстваў таксама асвячэнне памятнага крыжа на месцы былых каталіцкіх могілак ХVІІІ–ХІХ стст., зруйнаваных савецкай уладай пасля Вялікай Айчыннай вайны.

Біскуп вікарый для Магілёва і Магілёўскай вобласці Аляксандр Яшэўскі SDB заахвочвае да ўдзелу ў пілігрымцы. Паводле слоў іерарха, «не мае значэння, ці будзе гэтая першая пілігрымка шматлікай, галоўнае зрабіць крок у аднаўленні гэтай традыцыі». Паводле гістарычных звестак, у ХVІІІ–ХІХ стст. бялыніцкі абраз, якi знаходзiўся ў тутэйшым касцёле кармэлiтаў, збіраў пілігрымаў усiх хрысцiянскiх канфесiй. Існавала таксама кніга, у якой запісваліся цуды за 1725–1836 гг.

Бялыніцкі абраз быў другім пасля абраза Маці Божай Жыровіцкай на тэрыторыі Беларусі, ушанаваны папскімі каронамі. Каранацыя адбылася ў 1761 годзе.

У гады вайны абраз захоўваўся ў Магiлёўскiм абласным краязнаўчым музеі, адкуль знiк і да сёння яго месцазнаходжанне не вядома.

a Праграма І пешай пілігрымкі Магілёў – Бялынічы

24 верасня (субота)

  • 09.00 – святая Імша ў касцёле Унебаўзяцця Найсвяцейшай Панны Марыі і святога Станіслава (Магілёў, вул. Камсамольская 4).
  • 10.00 – пераезд удзельнікаў пілігрымкі да новай капліцы парафіі Св. Казіміра і св. Ядвігі (Магілёў, Мінская шаша, 8а); фарміраванне пілігрымкі
  • 11.00 – благаслаўленне на пачатак пілігрымкі і выхад пілігрымаў ад капліцы (Магілёў, Мінская шаша, 8а)
  • 14.00 – абед
  • 18.00 – прыпынак у в. Нежкава. Вячэра, малітоўны вечар. Начлег пілігрымаў у сем’ях

25 верасня (нядзеля)

  • 06.30 – сняданак
  • 07.00 – выхад пілігрымаў
  • 11.30 – прыпынак і абед
  • 14.30 – сустрэча пілігрымаў каля капліцы Маці Божай Бялыніцкай (г.п. Бялынічы, вул. Калініна, 37)
  • 15.00 – урачыстая святая Імша. Узначаліць літургію дапаможны біскуп Пінскай дыяцэзіі Казімір Велікаселец
  • 16.00 – працэсія да месца гістарычных каталіцкіх могілак XVIII-XIX стст. і асвячэнне памятнага крыжа

Удзел у пілігрымцы і пасілак — бясплатныя. Пры сабе абавязкова мець спальнік і карымат.

25 верасня для пешых пілігрымаў будзе арганізаваны пераезд з Бялыніч у Магілёў. Аўтобус ад’язджае ў 18.00 ад капліцы Маці Божай Бялыніцкай (Бялынічы, вул. Калініна, 37).

Адказны: кс. дэкан Віталій Драздоўскі (+375 29 564 51 95).

(VGr)

 

Пры выкарыстанні матэрыялаў сайта спасылка на Catholic.By абавязкова.