Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Як даехаць на СДМ і з добрымі ўражаннямі вярнуцца дадому: інфармацыя для пілігрымаў
Анонсы
15.07.2016 12:56


Для тых, хто збіраецца ў Кракаў на асабістым аўтамабілі ці аўтобусе

Польскія памежныя службы прадугледзелі магчымасць праезду па спецыяльным хуткім калідоры. Для гэтага трэба мець налепку з лагатыпам на аўтатранспарце і дакументы ўдзельнікаў СДМ (візы, пасведчанне аб рэгістрацыі пілігрыма).

Для тых, хто едзе на замоўленым цягніку з Гродна

Замоўлены цягнік

20 ліпеня пілігрымы збіраюцца на чугуначным вакзале ў Гродна. Памежны і мытны дагляд на вакзале пачнецца ў 6.00 і скончыцца ў 7.30. Кожны ўдзельнік атрымае квіток на праезд у два бакі (Гродна-Кузніца і Кузніца-Гродна). Адпраўленне цягніка ў 8.20. У Кузніцы будзе прыпынак прыкладна на дзве з паловай гадзіны. Падчас прыпынку прадугледжана святая Імша ў касцёле і сняданак у парафіі. Усе пілігрымы будуць падзелены на групы для рассялення ў Седльцах.

Вяртанне ў Беларусь запланавана 1 жніўня каля 12.00 (на чыгуначны вакзал у Гродне).


Абавязкова трэба ўзяць у пілігрымку:

  • Біблію, ружанец, малітоўнік.
  • Пашпарт, ксеракопіі пашпарта і візы.
  • Мець копію пашпарта на віртуальным дыску (Яндэкс дыск, Гугл дыск).
  • Праверыць наяўнасць у пашпарце візы, якая сапраўдная на перыяд з 20 ліпеня па 1 жніўня 2016 г.
  • Натарыяльна завераная згода бацькоў ці асобаў, якія іх замяняюць, на выезд з Рэспублікі Беларусь — для непаўналетніх.
  • Медыцынская страхоўка на перыяд з 20 па 25 ліпеня 2016 г. (Дыяцэзіяльныя дні).
  • Грошы на асабістыя выдаткі.
  • Лекі. Пры хранічных захворваннях узяць тыя лекі, якія прапісаў урач.
  • Спальнік і карымат.
  • Мабільны тэлефон (на яго можна будзе запампаваць наладу з правадніком па Кракаве і праграмай удзелу). Перад ад'ездам неабходна праверыць і зарадзіць гаджэт, пачысціць памяць. Узяць навушнікі, зарадныя прылады, дадатковыя акумулятары, батарэі, перахаднікі.
  • Прадметы асабістай гігіены.
  • Зручную, практычную вопратку і абутак. Галаўны ўбор, які будзе абараняць ад сонца. Парасон ці іншую абарону ад дажджу.
  • Варта мець таксама сувеніры для прымаючай сям'і (у Седльцах) і для новых сяброў.

Усе прадукты, у складзе якіх ёсць мяса ці малако, катэгарычна забаронены для ўвозу ў Польшчу і Беларусь.

Варта памятаць, што пілігрымка мае рэлігійны характар і не звязана з задавальненнем асабістых і эканамічных інтарэсаў. Удзельнікаў будуць прымаць на мяжы і ў польскіх сем'ях як пілігрымаў.

Трэба дакладна прытрымлівацца правіл паводзін, каб не зганьбіць усіх беларускіх пілігрымаў, беларускіх католікаў і краіну ў цэлым.

«Жадаю кожнаму ўдзельніку і кожнай удзельніцы духоўна карыснага і радаснага перажывання пілігрымкі. Прашу аб малітве і памятаю пра вас у сваёй малітве», — звяртаецца да пілігрымаў кс. Антоні Грэмза.


Праграма Дыяцэзіяльных дзён у Седльцы (для тых, хто едзе з Гродна):

20 ліпеня

  • прыезд, размяшчэнне па сем’ях

21 ліпеня:

  • 7.00 — 9.00 — сняданак у сем’ях
  • 9.00 — 9.45 — ранішняя малітва ў парафіях
  • 10.00 — 11.00 — катэхеза ў розных моўных групах
  • 11.00 — 12.00 — супольнае абмеркаванне катэхезы
  • 12.00 — 13.00 — «Кава з Бургамістрам»: мэры гарадоў будуць вельмі рады сустрэцца з пілігрымамі
  • 13.30 — абед
  • 14.30 — 16.30 — экскурсіі і сустрэчы
  • 18.00 — адкрыццё СДМ, супольная вячэра, канцэрт і чуванне.

22 ліпеня:

  • 7.00 — 8.30 — сняданак у сем’ях
  • 8.30 — 9.15 — Ютрань
  • 9.30 — 10.30 — катэхеза ў розных моўных групах
  • 11.00 — справы міласэрнасці
  • 14.00 — абед
  • 15.00 — Вяночак да Божай Міласэрнасці
  • 15.30 — актыўны адпачынак (турыстычныя трасы або майстар-класы – на выбар)
  • 20.00 — вячэра
  • 21.00 — набажэнства

23 ліпеня:

  • 7.00 — 9.00 — сняданак у сем’ях
  • 9.00 — 9.45 — ранішняя малітва ў парафіях
  • 10.00 — 10.45 — катэхеза ў розных моўных групах
  • 11.00 — 12.00 — праца ў невялікіх міжнародных групах
  • 12.00 — абед
  • 13.00 — актыўны адпачынак (турыстычныя трасы або майстар-класы — на выбар)
  • 18.00 — вячэрняе мерапрыемства, набажэнства і споведзь

24 ліпеня:

  • 7.00 — 9.00 — сняданак у сем’ях
  • 9.00 — 9.45 — ранішняя малітва ў парафіях
  • 10.00 — 11.00 — катэхеза ў розных моўных групах
  • 12.00 — святая Імша ў парафіях
  • 13.00 — сустрэчы з парафіянамі, абед у сем’ях, час, праведзены з сем’ямі
  • 20.00 — развітальная вячэра ў парафіі

25 ліпеня

  • выезд у Кракаў.


Праграма Сусветных дзён моладзі ў Кракаве:

25 ліпеня

  • прыезд у Кракаў

26 ліпеня:

  • Вечар — святая Імша на адкрыццё СДМ

27 ліпеня:

  • Раніца — катэхеза з біскупамі
  • Дзень — Фестываль моладзі, Цэнтр пакліканняў
  • Вечар — Фестываль моладзі
28 ліпеня:
  • Раніца — катэхеза з біскупамі
  • Дзень — Фестываль моладзі, Цэнтр пакліканняў
  • Вечар — прывітанне Святога Айца Францішка

29 ліпеня:

  • Раніца — катэхеза з біскупамі
  • Дзень — Фестываль моладзі
  • Вечар — Крыжовы шлях

30 ліпеня:

  • Раніца — паломніцтва ў «Campus Misericordiae»
  • Дзень — паломніцтва ў «Campus Misericordiae»
  • Вечар — начное чуванне са Святым Айцом Францішкам

31 ліпеня:

  • Раніца, дзень — святая Імша са Святым Айцом Францішкам
  • Вечар — ад’езд дадому

1 жніўня

  • прыезд у Беларусь

(АлГ)

 

Пры выкарыстанні матэрыялаў сайта спасылка на Catholic.By абавязкова.