7-8 мая Міждыяцэзіяльная вышэйшая духоўная семінарыя ў Пінску праводзіць шэраг духоўных мерапрыемстваў для тых, хто разважае над сваім пакліканнем. Маладым людзям, якія ў гэты час прыедуць у семінарыю, будзе дадзена магчымасць перажыць дзень так, як яго праводзяць семінарысты.

Будзе магчымасць не толькі памаліцца, паразмаўляць з навучэнцамі і выхаваўцамі семінарыі, але і паўдзельнічаць разам з імі ў спартыўных спаборніцтвах, акунуцца ў багатае на перажыванні семінарыйнае жыццё.

Тыя, хто зможа застацца ў семінарыі яшчэ на некаторы час пасля сустрэчы, атрымаюць магчымасць паўдзельнічаць яшчэ ў двух мерапрыемствах у Пінску: Дыяцэзіяльнай сустрэчы моладзі (8 мая) і пешай пілігрымцы з Пінска ў Лагішын у санктуарый Маці Божай Каралевы Палесся (9 мая).

Нягледзячы на тое, што спецыяльная праграма для гасцей пачынаецца 7 мая ў 14.00, маладыя людзі могуць прыехаць раней (напрыклад, 6 мая вечарам), каб ад пачатку дня перажыць з семінарыстамі дзень семінарыйнага жыцця.

Аб сваім удзеле ў Дні адчыненых дзвярэй неабходна паведаміць па наступных кантактах:

тэл. (0165) 65 41 45(0165) 65 41 45, +375 25 604 41 86+375 25 604 41 86; +375 29  5235153+375 29 523 51 53
e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

Праграма Дня адчыненых дзвярэй у семінарыі ў Пінску:

7 мая

14.00 – абед
15.00 – Вяночак да Божай Міласэрнасці
15.30 – канферэнцыя (пра пакліканне)
16.15 – перапынак
16.45 – экскурсія па семінарыі
17.15 – канферэнцыя (пра семінарыйнае жыццё) і час на пытанні
18.00 – святая Імша
19.00 – вячэра
20.00 – гарбата і сустрэча з семінарыстамі
21.00 – дзяленне Божым словам
21.30 – Камплета (малітва на заканчэнне дня)
22.30 – адпачынак

8 мая

7.30 – пад’ём
8.00 – Ютрань
8.30 – сняданак
9.30 – спартыўная гадзіна (футбол, валейбол)
12.00 – канферэнцыя (або святая Імша для тых, хто выязджае раней)
13.30 – абед