Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Навукова-практычная канферэнцыя «Праблемы ўрачэбнай этыкі ў сучасным свеце» пройдзе ў Віцебску (+праграма)
Анонсы
10.04.2016 21:58

9-10 чэрвеня ў Віцебску адбудзецца XII навукова-практычная канферэнцыя «Праблемы ўрачэбнай этыкі ў сучасным свеце». Канферэнцыю праводзіць Віцебская дыяцэзія Рыма-Каталіцкага Касцёла ў Беларусі сумесна з упраўленнем аховы здароўя Віцебскага аблвыканкама, Віцебскім дзяржаўным медыцынскім універсітэтам і аддзелам па справах рэлігій і нацыянальнасцяў Віцебскага аблвыканкама.

Да ўдзелу запрашаюцца выкладчыкі і студэнты ўніверсітэтаў, каледжаў, а таксама хрысціяне, незалежна ад канфесійнай прыналежнасці, усе педагогі, якія цікавяцца дадзенай тэмай. Па матэрыялах канферэнцыі плануецца выпуск друкаванага выдання.

Праграма канферэнцыі

9 чэрвеня

11.00 – 11.30 – рэгістрацыя ўдзельнікаў (Віцебскі аблвыканкам, вул. Гогаля, 6)

12.00 – пленарнае пасяджэнне (канферэнц-зала Віцебскага аблвыканкама, Віцебск, вул. Гогаля, 6, І паверх)

Адкрыццё канферэнцыі, прывітанне ўдзельнікаў

  • старшыня Віцебскага абласнога Савета дэпутатаў Уладзімір Цярэнцьеў;
  • начальнік упраўлення аховы здароўя Віцебскага аблвыканкама, д-р мед. навук, прафесар Юрый Дзяркач;
  • ардынарый Віцебскай дыяцэзіі біскуп Алег Буткевіч

Даклады:

  • 12.30 – начальнік упраўлення аховы здароўя Віцебскага аблвыканкама, д-р мед. навук, прафесар Юрый Дзяркач (Беларусь) «Перспектывы развіцця анкалагічнай дапамогі ў Віцебскай вобласці»
  • 13.00 – доктар медыцыны, прафесар Эдуард Матэвасян, Мюнхенскі тэхнічны ўніверсітэт, ТУМ, Баварыя (Германія) «Гепатацэлюлярная картынома і сучасныя аспекты трансплантацыі печані»
  • 14.00 – 15.00 – перапынак
  • 15.00 – галоўны менэджэр фармацэўтычнага аддзела клінікі «А. Джэмэлі» доктар мед. Гаспарэ Гульельмі (Італія)
  • 15.30 – дацэнт кафедры гісторыі новага і навейшага часу БДУ, кандыдат гістарычных навук Дзяніс Ларыёнаў (Беларусь) «Каталіцкі Касцёл, цывілізацыя любові, культура жыцця»
  • 16.00 – заг. агульнай хірургіі клінікі «А. Джэмэлі» доктар мед. Эрыда Нурэ (Італія)
  • 16.30 – дактарант Каталіцкага ўніверсітэта Любліна Амброзій Яраслаў Акрой OFM (Польшча) «Адмаўленне ад пастаяннай тэрапіі ў святле асобных дакументаў вучэння Касцёла»

16.00 – 16.30 – дыскусія. Заключнае слова – біскуп Віцебскі Алег Буткевіч

10 чэрвеня

10.00 – 13.00 – секцыйнае пасяджэнне (канферэнц-зала Віцебскага аблвыканкама, вул. Гогаля, 6)

Рэгламент выступлення 10 хвілін

Даклады:

  • Доктар біблейскай тэалогіі, пробашч парафіі Св. Уладзіслава ў Віцебску кс. Адам Дынак (Беларусь) «Бог – пацыент – хрысціянін: вучэнне Бібліі на аснове выбраных фрагментаў»
  • Доктар медыцынскіх навук, заг. кафедры агульнай практыкі – сямейнай медыцыны і ўнутраных хваробаў Харкаўскага нацыянальнага медыцынскага ўніверсітэта, прафесар Людміла Пасіешвілі (Украіна) «Біяэтычныя падыходы ў правядзенні навуковых даследаванняў у клініцы ўнутраных хваробаў»
  • Кандыдат гістарычных навук, заг. кафедры філасофіі і паліталогіі Віцебскай дзяржаўнай акадэміі ветэрынарнай медыцыны, дацэнт Ларыса Лукіна (Беларусь) «Глабальная этыка як міждысцыплінарныя навуковыя веды»
  • Аспірант Каталіцкага ўніверсітэта Любліна Катажына Уршуля Бароўска (Польшча) «Каштоўнасць чалавечага цярпення»
  • Магістр теэалогіі, дактарант Каталіцкага ўніверсітэта Любліна с. Дар’я Галубкова OV «Тэалагічнае вымярэнне штучнай пракрэацыі»
  • Доктар мед. навук, прафесар кафедры тапаграфічнай анатоміі Віцебскага дзяржаўнага медыцынскага ўніверсітэта Мікалай Харкевіч «Выхаванне студэнцкай моладзі ў праваслаўных традыцыях»
  • Магістр тэалогіі, дактарант Каталіцкага ўніверсітэта Любліна Андрэй Агапаў (Польшча) «Духоўныя прычыны бясплоднасці. Выбраныя аспекты»
  • Дактарант Каталіцкага ўніверсітэта Любліна Агнешка Рэната Езёрска «Кантрацэпцыя – выраз адказнасці або пагроза для жыцця, здароўя, сапраўднай любові. Ацэнка і пастырскія пастулаты»

Заключнае слова – біскуп Віцебскі Алег Буткевіч

Дыскусія

У праграме магчымы змены.

(AG)

 

Пры выкарыстанні матэрыялаў сайта спасылка на Catholic.By абавязкова.