Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Распачалася акцыя «Святы Мікалай ідзе да дзяцей»
Анонсы
27.11.2014 17:14

Усе жадаючыя могуць прыняць удзел у акцыі «Святы Мікалай ідзе да дзяцей», якую праводзяць валанцёры Руху св. Мікалая. Згодна з ідэяй акцыі, кожны чалавек можа на нейкі час стацца святым Мікалаем і падрыхтаваць падарунак для пэўнага дзіцяці з дзіцячага дома альбо з небагатай сям’і.

Падарунак можа змяшчаць у сабе салодкае (цукеркі, шакаладкі), канцылярскія рэчы (альбомы, блакноты, алоўкі, фарбы, размалёўкі, сшыткі, наборы ручак), сродкі гігіены (зубную пасту, мыла, шампунь), дзіцячыя рэчы (шкарпэткі, калготы, рукавічкі), цацкі і г.д. Колькасны склад і памер падарунка — любы.

Пазней, у перыяд Божага Нараджэння, сабраныя падарункі будуць урачыста падараваны дзецям з дзіцячых дамоў альбо бедных сем’яў.

Прыносіць падарункі можна па адрасах: г. Мінск, вул. Арджанікідзэ, 6 (грэка-каталіцкі душпастырскі Цэнтр праведнага Язэпа), тэл. +375 29 299 72 41, +375 29 962 20 19 (айцец Аляксандр); г. Віцебск, вул. 2-я Войкава, 6а (грэка-каталіцкі душпастырскі Цэнтр Уваскрасення Хрыстова), тэл. +375 29 265 60 60 (Алена).

Для тых, хто жадаў бы ўдзельнічаць у акцыі ў Маладзечне, Гродне, Полацку, Лідзе, Магілёве, Брэсце, Івацэвічах і Оршы,
просьба патэлефанаваць па тэл.: +375 29 299 72 41(МТС), +375 29 962 20 19 (Velcom) або напісаць на e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .

Таксама запрашаюцца валанцёры для ўдзелу ў падрыхтоўцы і правядзенні каляднай праграмы для дзяцей-сірот і людзей з абмежаванымі магчымасцямі ў снежні і студзені. Сайт падтрымкі: www.valancer.by.

Для тых, хто хацеў бы арганізаваць акцыю на сваёй парафіі самастойна, арганізатары могуць падзяліцца досведам або выслаць электронны варыянт акцыйнага плаката і лісток практычных парадаў для правядзення акцыі.

Паводле valancer.by

(AG)

 

Пры выкарыстанні матэрыялаў сайта спасылка на Catholic.By абавязкова.