Фота Аўдыё Відэа  
be  ru  pl  en  de info@catholic.by
Паведамленне з 56-га пленарнага пасяджэння Канферэнцыі Каталіцкіх Біскупаў у Беларусі

21 лютага 2014 г. у Душпастырскім цэнтры ККББ у Мінску адбылося 56-е пленарнае пасяджэнне Канферэнцыі Каталіцкіх Біскупаў Беларусі. Падчас пасяджэння былі разгледжаны наступныя пытанні і прыняты адпаведныя рашэнні.

1. Сабраныя ўхвалілі правесці Кангрэс, прысвечаны Ружанцу, у межах Года малітвы. Стацыі Кангрэсу ў адпаведнасці з часткамі малітвы Ружанца будуць праведзены:

- 4-5 кастрычніка – у Мінска-Магілёўскай архідыяцэзіі (І частка)
- 11-12 кастрычніка – у Віцебскай дыяцэзіі (ІІ частка)
- 18-19 кастрычніка – у Гродзенскай дыяцэзіі (ІІІ частка)
- 25-26 кастрычніка – у Пінскай дыяцэзіі сумесна са святкаваннем 100-годдзя нараджэння першага кардынала Беларусі Казіміра Свёнтка (IV частка)

2. Урачыстая святая Імша падзякі за 25-годдзе біскупскай сакры Мітрапаліта Мінска-Магілёўскага арцыбіскупа Тадэвуша Кандрусевіча адбудзецца 28 кастрычніка ў мінскім архікатэдральным касцёле. Набажэнства пачнецца ў 18.30.

3. Сабраныя абмяркоўвалі план правядзення агульнабеларускай пілігрымкі ў Святую Зямлю ў сувязі з усталяваннем мазаікі абраза Маці Божай Будслаўскай у Назарэце. Асвячэнне мазаікі плануецца 28 чэрвеня гг.

4. Прысутныя вылучылі біскупа Пінскага Антонія Дзям’янку ў якасці дэлегата на Сінод Біскупаў у Рыме, які пройдзе з 5 па 19 кастрычніка гг.

5. Удзельнікі пасяджэння ўхвалілі патрэбу апрацавання і выдання камунікатаў на ІІІ Нядзелю Вялікага посту з нагоды нядзелі “Карытас” у Беларусі і на ўрачыстасць Звеставання Пана на распачацце 9-месячнай малітвы ў інтэнцыі зачатага жыцця, якому пагражае аборт пад сэрцам маці.

6. У сувязі з падзеямі ва Украіне біскупы звярнуліся да вернікаў з просьбай у бліжэйшую нядзелю, 23 лютага, маліцца і пасціцца ў інтэнцыі мірнага вырашэння канфлікту.

7. На пленарным пасяджэнні разглядаліся таксама іншыя пытанні, важныя для Паўсюднага Касцёла і Касцёла ў Беларусі.

8. Сабраныя выслухалі інфармацыю аб запланаваных на 19-20 ліпеня ўрачыстасцях у Гудагаі з нагоды 250-годдзя асвячэння касцёла Адведзінаў Найсвяцейшай Панны Марыі.

У пасяджэнні ўдзельнічалі ўсе біскупы Беларусі на чале са старшынёй ККББ біскупам Аляксандрам Кашкевічам. Прысутнічаў Апостальскі Нунцый у Беларусі арцыбіскуп Клаўдыё Гуджэроцці.

Адноўлена 03.02.2016 17:00
 

Пры выкарыстанні матэрыялаў сайта спасылка на Catholic.By абавязкова.

Дакументы Канферэнцыі Каталіцкіх Біскупаў Беларусі

12.10 17:58Паведамленне з 63-га пленарнага пасяджэння Канферэнцыі Каталіцкіх Біскупаў у Беларусі
05.07 18:11Паведамленне Старшыні ККББ наконт правядзення Брацтвам св. Пія Х рэкалекцый па метадзе св. Ігнацыя Лаёлы
24.05 15:07Зварот Каталіцкіх Біскупаў Беларусі аб правядзенні Дня перапрашэння (+Набажэнства перапрашэння)
04.02 22:01Паведамленне з 61-га пленарнага пасяджэння Канферэнцыі Каталіцкіх Біскупаў у Беларусі
30.11 14:26Паведамленне ККББ аб правядзенні Дня малітвы за тых, хто дапамагае Касцёлу на Усходзе
21.11 15:49Паведамленне Старшынi Канферэнцыi Каталiцкiх Бiскупаў у Беларусi аб Імшы развітання з арцыбіскупам Клаўдыё Гуджэроцці
28.10 16:38Паведамленне з 60-га пленарнага пасяджэння Канферэнцыі Каталіцкіх Біскупаў у Беларусі
03.06 17:02Паведамленне з 59-га пленарнага пасяджэння Канферэнцыі Каталіцкіх Біскупаў у Беларусі
05.12 18:34Паведамленне з 58-га пленарнага пасяджэння Канферэнцыі Каталіцкіх Біскупаў у Беларусі
17.06 16:03Паведамленне з 57-га пленарнага пасяджэння Канферэнцыі Каталіцкіх Біскупаў у Беларусі