Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Паведамленне з 55-га пленарнага пасяджэння Канферэнцыі Каталіцкіх Біскупаў у Беларусі

22 лістапада 2013 г. у Душпастырскім цэнтры ККББ у Мінску адбылося 55-е пленарнае пасяджэнне Канферэнцыі Каталіцкіх Біскупаў Беларусі. Падчас пасяджэння былі разгледжаны наступныя пытанні і прыняты наступныя рашэнні.

1. Адказным за дактрынальную праблематыку ў ККББ Канферэнцыя прызначыла біскупа Пінскага Антонія Дзям’янку.
2. Канферэнцыя прыняла беларускамоўную версію паправак да абраду святога Хросту, а таксама формулу ўспаміну святога Юзафа ў эўхарыстычных малітвах.
3. Абмяркоўвалася справа падрыхтоўкі перакладу дакумента Апостальскага Пасаду «Аб паслузе і жыцці святароў».
4. Была абмеркавана форма дапамогі ахвярам тайфуну на Філіпінах. Было прынята рашэнне збіраць ахвяраванні на адной са святых Імшаў у першую нядзелю Адвэнту – 1 снежня 2013 г.
5. Канферэнцыя прызначыла Дзень малітвы за тых, хто дапамагае Касцёлу на Усходзе, на 8 снежня 2013 г. і просіць вернікаў прыняць у ім удзел.
6. Канферэнцыя зацвердзіла трохгадовы цыкл падрыхтоўкі да юбілею 100-годдзя фацімскіх аб’яўленняў, які будзе святкавацца ў 2017 г. Зыходзячы з фацімскіх аб’яўленняў, год 2014 будзе Годам малітвы, 2015 – Годам навяртання, 2016 – Годам надзеі.
7. Мітрапаліт Мінска-Магілёўскі арцыбіскуп Тадэвуш Кандрусевіч азнаёміў удзельнікаў пасяджэння з міжнароднай міжканфесійнай канферэнцыяй «Хрысціянская антрапалогія перад выклікам сучаснасці», міжнароднай навукова-практычнай канферэнцыяй «Прыёмная сям’я: вопыт, праблемы і перспектывы» і семінарам для святароў «Экалагічныя пытанні сучаснасці», якія нядаўна адбыліся ў Міжнародным адукацыйным цэнтры імя Й. Рау ў Мінску.
8. Таксама Мітрапаліт Тадэвуш Кандрусевіч праінфармаваў удзельнікаў пасяджэння, што з самага пачатку арышту ксяндза Уладзіслава Лазара Курыя Мінска-Магілёўскай архідыяцэзіі забяспечвае святару адвакацкую апеку. У сувязі з вышэйсказаным уся іншая інфармацыя ў СМІ наконт адваката ў гэтай справе з’яўляецца недакладнай.
9. ККББ атрымала інфармацыю аб падрыхтоўцы да Чэмпіянату Еўропы па міні-футболе сярод святароў.
10. Біскупы выказваюць пастырскія пажаданні і віншаванні святарам, кансэкраваным асобам і вернікам на Адвэнт і Божае Нараджэнне.



Адноўлена 03.02.2016 17:00
 

Пры выкарыстанні матэрыялаў сайта спасылка на Catholic.By абавязкова.

Дакументы Канферэнцыі Каталіцкіх Біскупаў Беларусі

04.05 16:28Паведамленне з 65-га пленарнага пасяджэння Канферэнцыі Каталіцкіх Біскупаў у Беларусі
02.03 16:36Паведамленне з 64-га пленарнага (пазачарговага) пасяджэння Канферэнцыі Каталіцкіх Біскупаў у Беларусі
12.10 17:58Паведамленне з 63-га пленарнага пасяджэння Канферэнцыі Каталіцкіх Біскупаў у Беларусі
05.07 18:11Паведамленне Старшыні ККББ наконт правядзення Брацтвам св. Пія Х рэкалекцый па метадзе св. Ігнацыя Лаёлы
24.05 15:07Зварот Каталіцкіх Біскупаў Беларусі аб правядзенні Дня перапрашэння (+Набажэнства перапрашэння)
04.02 22:01Паведамленне з 61-га пленарнага пасяджэння Канферэнцыі Каталіцкіх Біскупаў у Беларусі
30.11 14:26Паведамленне ККББ аб правядзенні Дня малітвы за тых, хто дапамагае Касцёлу на Усходзе
21.11 15:49Паведамленне Старшынi Канферэнцыi Каталiцкiх Бiскупаў у Беларусi аб Імшы развітання з арцыбіскупам Клаўдыё Гуджэроцці
28.10 16:38Паведамленне з 60-га пленарнага пасяджэння Канферэнцыі Каталіцкіх Біскупаў у Беларусі
03.06 17:02Паведамленне з 59-га пленарнага пасяджэння Канферэнцыі Каталіцкіх Біскупаў у Беларусі